ក្រុមការងារបានរៀបចំបទបង្ហាញជូនប្រតិភូអំពីព័ត៌មានទូទៅរបស់សាកលវិទ្យាល័យវិទ្យាសាស្ត្រសុខាភិបាល និងអំពីការបណ្តុះបណ្តាលផ្នែកវេជ្ជសាស្ត្រ នៅសវស បទបង្ហាញអំពីកម្មវិធីមិត្តជួយមិត្ត Peer Assisted Learning (PAL) ដោយនិស្សិតមកពីមហាវិទ្យាល័យវេជ្ជសាស្ត្រ និងអំពីប្រព័ន្ធសុខាភិបាលនៅកម្ពុជា ដោយលោកឡូ វាសនាគីរី ប្រធាននាយកដ្ឋានផែនការ និងព័ត៌មានសុខាភិបាល នៃក្រសួងសុខាភិបាល។

បន្ទាប់មកនាពេលរសៀល ក្រុមនិស្សិត ក៏បានទៅទស្សនៈកិច្ចនៅមន្ទីរពិសោធន៍បង្ហាញត្រាប់ និងបានធ្វើបំបែកជាក្រុម ដើម្បីបង្កើតទំនាក់ទំនងនិងស្វែងយល់អំពីគ្នា រវាងនិស្សិតជប៉ុននិង ក្រុមនិស្សិតPAL នៃមហាវិទ្យាល័យវេជ្ជសាស្ត្រ និងបន្តទៅទស្សនាមជ្ឈមណ្ឌលប្រឡងតាមប្រព័ន្ធកុំព្យូទ័រ និងមន្ទីរពិសោធន៍បង្ហាញត្រាប់នៃមហាវិទ្យាល័យឱសថសាស្ត្រ។